منى زكي توجه رسالة خاصة لـ محمد فراج وخالد الصاوي

وجهت النجمة منى زكى رسالة خاصة لطاقم فريق وصناع فيلمها الجديد رحلة 404، الذي كان يحمل فى البداية اسم "القاهرة مكة".

وقالت منى: أحب أوجه الشكر لفريق فيلم  “رحلة 404”  الرائع اللي استمتعت جدا بالتعاون معاهم.. أنا حقيقي حبيت تجربتنا سوا، واستمتعت بيكم ومعاكم وبمواهبكم الجبارة اللي أضافت لي وأضافت للفيلم ككل.

وتابعت عبر حسابها الشخصي بموقع “فيسبوك”: "شكرا لزميلي النجم محمد فراج صاحب الموهبة الكبيرة، واللي قدمنا سوا أعمال ناجحة قبل كده، ويارب الفيلم ده كمان يكون له نفس الحظ من نجاحنا المشترك.. وأيضًا زميلي العزيز محمد ممدوح (تايسون) اللي بحب وبحترم فنه وموهبته لأقصى درجة، ووجوده كضيف شرف في الفيلم كان حاجة كبيرة أوي بالنسبة لي،وطبعا النجم الكبير والممثل اللي دايما بنستمتع بحضوره خالد الصاوي".

"وطبعا الممثلة الرائعة شيرين رضا اللي نورت الفيلم بجد والمتميز للغاية محمد علاء.. وأكيد كل الشكر للسينارست الموهوب محمد رجاء اللي كتب نص حقيقي مختلف وإنساني وبابداع حقيقي، وأولا وأخرا شكرا للأستاذ المخرج هاني خليفة على مجهوده وإيمانه بالمشروع وتوجيهاته ورؤيته المهمة دايما".

 قد يهمك أيضــــــــــــــــًا :

منى زكي تغيب عن مسلسلات رمضان 2024 وتكشف السبب

منى زكي تُوجه كلمة مؤثّرة خلال تكريمها في مهرجان ضيافة