لم تكد تمضي أربع وعشرون ساعة على حادث حفل الفنان محمد رمضان في الساحل الشمالي، الذي أحياه يوم الخميس الماضي، حتى أحيا حفلاً آخر وجه خلاله رسالة الى جمهوره أكد فيها أنه اضطر لإحياء الحفل لأنه مسؤولية عليه.

وقال رمضان في الحفل: "كتير توقعوا إننا هنلغي حفلة النهاردة.. لكن ده التزام ومسؤولية، والإنسان الناجح لازم يكون مسؤول، وأد كلمته وتعاقده، ودي صفة من صفات الرجالة، الراجل كلمة."

من ناحية أخرى، برر محمد رمضان طرحه لأحدث أغانيه "يلا" بعد ساعات من وفاة الشاب في حادث انفجار أنبوبة غاز من الألعاب النارية في حفله بالساحل الشمالي.

ونشر رمضان الأغنية الجديدة "يلا" على حساباته بمواقع التواصل الاجتماعي، وعلق عليها كاتبا: "بالله عليكم بلاش مزايدات ده تعاقد مع شركة أجنبية ومقدرش مانزلش الأغنية في ميعادها، محدش بيقدر بلده ولا رجالته ولا جمهوره قدي".

من ناحية أخرى، كان محمد رمضان قد نشر فيديو قدم من خلاله التعازي لأهل ضحية الحادث ووجه خلاله رسالة للشامتين فيه قائلاً: "بقدم التعازي لأهل حسام، ربنا يرحمه ويسكنه فسيح جناته، ويصبر أهله وأصحابه ويشفي المصابين".

أضاف: "طبعا لما شوفت الحدث وقفت الحفلة علطول وتعاملت زي أي إنسان، نزلت مع الناس وساعدت في نقلهم للإسعاف، ووقفت الحفلة وهديت من ذعر الناس علشان أثناء خروجهم ميحصلش تكدس وحوادث تاني. أشكر الناس المتفهمة اللي دعت لحسام، وإن إحنا الحمد لله ربنا ألهمنا الصح".

تابع: "وزعلان من الناس الوحشة اللي كلامهم وحش وشمتانين في المتوفى، وبيقولوا هتقابل ربنا إزاي وإنت في حفلة، يقابل ربنا شهيد راجل في أكل عيشه وبيشوف شغله، مش فاشل زيك قاعد تكتب وتحدد مين هيدخل الجنة والنار".

وأكمل: "لو إنت راجل فعلا بتحب دينك دينك قال الكلمة الطيبة صدقة، عندك كلمة طيبة قولها، معندكش كلمة طيبة تخرس خالص".

   قد يهمك أيضــــــــــــــــًا :

حقيقة توجيه محمد رمضان كلمات أغنيته إلى ياسمين صبري

حبس نجل محمد رمضان سنة مع إيقاف التنفيذ في واقعة التعدي على زميله