عبر الناخب الوطني وليد الركراكي على عدم رضاه على المستوى ديال المنتخب الوطني المغربي أمام منتخب الرأس الأخضر، فالماتش أميكال اللي جمع المنتخبين يوم الاثنين بملعب مولاي عبد الله بالرباط.
وقال وليد الركراكي فتصريح له بعد نهاية الماتش بين المنتخب المغربي ومنتخب الراس الأخضر زيرو لزيرو: "كنا عارفين بلي لافريك ماشي ساهلة خصوصا بالطريقة اللي دخلنا بها فالماتش اليوم ماشي طريقة ديال فريق كبير وما احترمناش هذا الماتش كان بزاف ديال لعيا ما غنتخباوش موراه ولكن مزيان هذا الشي باش ميسحابش لنا بلي غير غندخلو للتيران راه غنربحو وخاصنا نتعلمو من هذه الماتشات".
وأكد وليد الركراكي: "أي فريق دابا كيلعب معك كيدخل باغي يربحك، الشوط الأول ما عجبنيش، ولكن مزيان حيث شفنا الدراري اللي خاصهم يبينو بلي كاينة بلاصتهم ويقدرو يكونو معنا ومازال غنخدمو ونتعلمو من هذا الشي وكنقول للجمهور اللي جا يسمحو لينا حيث ما كناش فالمستوى ديالنا اليوم".

قد يهمك أيضا

الركراكي يعقد السبت المُقبل في سلا ندوة صحفية للحديث عن مواجهتي الرأس الأخضر وجنوب افريقيا

وليد الركراكي يعتمد المحمدي حارساً رسمياً للمنتخب المغربي بدلاً من بونو في مباراتي الرأس الأخضر وجنوب إفريقيا