القاهرة _ المغرب اليوم
كشفت الفنانة إلهام شاهين، تفاصيل جديدة عن مسلسلها الأخير "حتة مني"، والذي تعود به بعد غياب 4 سنوات عن الدراما التليفزيونية، منذ آخر أعمالها التليفزيونية مسلسل "ليالي الحلمية".وقالت خلال لقائها مع برنامج "et بالعربي": "كل حدوتة بأبطال جدد بمخرج جديد، كل حدوتة مسلسل قائم بذاته، كل حدوتة بتطرح قضية مهمة للمرأة فوق سن الـ45 سنة، اللي دخلت في مرحلة سن اليأس ودي أوقات بتواجه مشاكل زوجية، أو اللي لسه متجوزتش وفاتها قطر الزواج، واللي اتجوزت وهي صغيرة وولادها كبروا وعندها مسؤليات ومش قادرة تجوزهم، واللي جوزها ممكن يحب عليها لإنها بقت أم العيال وعايز يتجوز واحدة صغيرة". وأضافت: "بنحاول نوعِّي المرأة بإنها تهتم بصحتها خاصة في تلك المرحلة العمرية، من خلال تبنيها للكشف على أجزاء معينة من جسدها، إزاي تحافظي على صحتك وبيتك وإزاي تبقي دايما متجددة".وتابعت: "أنا بحب السينما بشكل خاص جدا ومتحيزة لها بشكل كبيرة جدا، وغايبة عن الدراما من فترة لكنها مهمة جدا طبعًا، أنا كمان سعيدة بفكرة إننا بدأنا نغير فكرنا عن تيمة المسلسلات الـ30 حلقة، طالما الحدوتة لا تحتمل أكثر من كده".
قد يهمك ايضا