5 خلطات طبيعية تساعد على تبيبض الوجه

كشفت دراسة جديدة عن خمس خلطات تساعدك في تبييض الوجه باستخدام مواد طبيعية موجودة في اي بيت:-

1- اخلطي حبة كبيرة من الطماطم مع معلقتين كبيرتين من الزبادي في الخلاط ، حطي الخليط على وشك وسبيه لمدة 20 دقيقة بعدها اغسلي وشك بالمياه.

2- دوبي نشا في المياه ومياه الورد على نار هادئة، لمدة دقيقتين على الأقل لغاية لما تبقى شبه الجيل ارفعيه من على النار وحطيه في التلاجة ، ادهني بيه وجهك وسبيه لغاية لما ينشف بعدها اغسليه بالمياه.

3- اخلطي معلقة صغيرة من مسحوق الكركم الأبيض مع 3 معالق صغيرة من عصير الليمون، بعدها حطيه على الأماكن الغامقة من بشرتك لمدة15 دقيقة.

4- اخلطي معلقتين صغيرتين من الدقيق مع خمس معالق صغيرة من اللبن، ومعلقة صغيرة من العسل، ومعلقة من النعناع ، حطي العجينة على وجهك لمدة عشر دقائق بس.

5- اخلطي بودرة السدر مع قشر برتقال مجففة ومطحونة والشوفان والنعناع الجاف، وقبل الاستحمام ضيفي ليها اللبن وادهني جسمك بها وسبيها لغاية لما تجف واستخدمي الليفة لفرك الجسم والاستحمام بالمياه الساخنة.